Laminat.
Yaranma tarixi: ilk panellərdən müasir texnologiyalara qədər

   Laminat — dünyada ən çox istifadə olunan döşəmə örtüklərindən biridir. Onu praktikliyi, estetik görünüşü və münasib qiymətinə görə yüksək dəyərləndirirlər. Lakin az adam bu materialın ilk sınaq nümunələrindən bu günkü müasir texnologiyalara qədər keçdiyi inkişaf yolunu düşünür. Laminatın tarixini anlamaq, onun imkanlarını və üstünlüklərini daha yaxşı qiymətləndirməyə kömək edir.

    ⋄ Başlanğıc: İsveç, 1977-ci il

Laminatın tarixi 1977-ci ildə İsveçdə başlayır. Məhz həmin il ilk dəfə olaraq bir neçə bir-birinə yapışdırılmış qatdan ibarət, əsasını yüksək sıxlıqlı ağac lifli lövhə (HDF) və dekorativ üst qat təşkil edən döşəmə örtüyü təqdim olundu. Əvvəllcə bu material parketə nisbətən daha əlçatan və xarici təsirlərə qarşı daha davamlı bir alternativ kimi nəzərdə tutulmuşdur.

    ⋄ 1980–1990-cı illər: Avropada və dünyada yayılması

1980-ci illərdə laminat sürətlə bütün Avropada yayılmağa başladı. İstehsalçılar presləmə və yapışdırma texnologiyalarını təkmilləşdirir, dekorativ qatların görünüşünü yaxşılaşdıraraq onların teksturasını təbii ağaca daha da yaxınlaşdırırdılar. Məhz bu dövrdə ağac növlərini imitasiya edən ilk laminat panellər meydana çıxır və örtüyün aşınmaya davamlılığı əhəmiyyətli dərəcədə artır.

1990-cı illərdə laminat Şimali və Cənubi Amerika, eləcə də Asiya bazarlarına daxil olur. Və beləliklə, rahat quraşdırılması, çirklənməyə qarşı davamlılığı və müasir görünüşü sayəsində geniş rəğbət qazanır.

    ⋄ 2000-ci illərin əvvəli: innovasiyalar və qoruma

2000-ci illərin əvvəlindən etibarən laminat sürətli inkişaf mərhələsinə qədəm qoydu. İstehsalçılar “Click” sistemləri kimi möhkəm kilidli birləşmələrdən istifadə etməyə başladılar. Bu isə montaj prosesini xeyli sadələşdirdi və yapışqandan istifadə ehtiyacını aradan qaldırdı.

⦁Məhz bu dövrdə aşağıdakı yeniliklər meydana çıxır:

– Nəmə və suya davamlı modellər;

– Antibakterial və antistatik örtüklər;

– Təbii ağacın fakturasını real şəkildə əks etdirən qabaqcıl naxış basma texnologiyası;

– Cızılmalara qarşı daha dayanıqlı qatlar və UV qoruma.

Bu innovasiyalar laminatı sadəcə parketin ucuz alternativi deyil, mükəmməl və yüksək texnologiyalı bir materiala çevirir. Beləliklə, o, hətta ən tələbkar istehlakçıların ehtiyaclarını belə qarşılayır.

    ⋄ Hazırkı dövr: texnologiyalar və dizaynın simbiozu

Müasir laminat — onilliklər boyu aparılan mühəndis araşdırmalarının və dizayn axtarışlarının nəticəsidir. Bugünkü bazarda təbii ağacdan hətta yaxından baxdıqda belə seçilməyən laminat modelləri təqdim olunur. İstehsalçılar yüksək dəqiqlikli rəqəmsal çap texnologiyalarından, çoxqatlı laklanmış örtüklərdən və beynəlxalq təhlükəsizlik standartlarına cavab verən ekoloji təmiz materiallardan istifadə edirlər.

Bundan əlavə, müasir panellər nəmişliyə, ultrabənövşəyi şüalara, yüksək yüklənməyə və temperatur dəyişikliklərinə qarşı dözümlüdür. Bəzi brendlər isə artırılmış akustik izolyasiyaya malik laminat təklif edirlər ki, bu da onu mənzillər, ofislər və hətta uşaq bağçaları üçün ideal seçimə çevirir.

    ⋄ Laminatın gələcəyi

Tendensiyalar göstərir ki, laminat getdikcə daha ekoloji, dayanıqlı və “ağıllı” olacaq. Artıq bu gün bazarda “ağıllı ev” sistemləri ilə əlaqəli şəkildə işləyən, inteqrasiya olunmuş sensorlara sahib laminat modelləri təqdim olunur. Onlar həmçinin gigiyena tələblərinin artdığı dövrdə aktuallıq qazanan yeni nəsil antibakterial işlənmə ilə təchiz edilir.

    ⋄ Nəticə
Laminatın tarixi — texnologiya ilə insan ehtiyaclarının birgə addımladığı inkişaf tarixidir. Laminat bahalı parketə alternativ kimi yaradılan ilk panellərdən başlayaraq uzun bir inkişaf yolu keçib. Bu yol onu həm realistik teksturaya, həm də intellektual xüsusiyyətlərə malik müasir örtüklərə qədər aparıb.

    Və bu yol uğurla davam edir!